Шымкентте дизель отынының тапшылығы құрылыс компаниялардың жұмысын шектеді
Шымкентте тағы да дизель отынының тапшылығы тіркелді. Құрылыс компанияларының бұл туралы көптеген шағымы Шымкент қаласының кәсіпкерлер палатасында көтерілді. Жиынға барлық мүдделі тарап өкілдері қатысты.
Кәсіпкерлердің айтуынша, қалалық жанар-жағармай құю станцияларына отын құю мүмкін болмады. Жанармай жоқ. Ал бар болса – ұзын сонар кезекке түсесің. Көлік және құрылыс компаниялары жанармай жеткізушімен қолданыстағы келісімшартқа қол жеткізе отырып, өздерінен аз сатып алуға мәжбүр. Құрылыс компанияларының талондарда дизель отынын сатып алуға шарт жасасу туралы өтінішіне жеткізушілер бас тартады. Дизель отынын бөлшек саудада сатып алғысы келетіндерге ол жоқ дейді. Нәтижесінде кәсіпкерлер бірнеше күн бойы бір жанармай құю станциясынан екіншісіне дейін жүруге мәжбүр болып, отынды жоғары бағамен сататын делдалдарға тап болды.
Құрылыс компанияларының басшылары құрылыс жұмыстарын тоқтатуға мәжбүр екенін айтты.
«Біз дизель отыны мен битум үшін алдын ала төлем жасадық. Сонда да қазір жанармай құя алмай отырмыз. Бізге арнайы техниканы үлкен жанармай құю бекеттеріне барып толтырыңыз дейді. Бірақ үлкен станцияларды отынды канистрлерге құйып бермейді. Өйткені барлық құрылыс техникасы жанармай құю станциясына жете алмайды, мысалы, мұнара крандары, экскаваторлар және т.б. Барлық мерзімдер бұзылды. Бізде үлкен құрылыс, енді біз жұмысты тоқтатуға мәжбүрміз. Мерзімге сәйкес келмеу айыппұлдарға әкеп соғады. Өндірушілерден тікелей жеткізуді ұйымдастыру және сол арқылы мемлекеттік бағдарламалар бойынша құрылыс салатындарға дизель отынын үздіксіз жеткізуді қамтамасыз ету мүмкін емес пе?» – деп атап өтті «Корпорация Береке А» құрылыс компаниясының бас директоры Еркінгүл Оспаналиева.
Кәсіпкерлердің сөзіне қарағанда, бұл компания бүгінде дизель отынының жетіспеушілігінен зардап шегіп отырған жалғыз компания емес.
«Дизель отынының жеткіліксіздіне қатысты жағдай шиеліністі деңгейге жетті.Бұған себеп Шымкент мұнай өндіру зауытының жөндеуге жабылуы. Дизель отынының жетіспеушілігі кәсіпорында мәжбүрлі тоқтап қалуға және шығындарға әкеледі. Негізгі құрам – жүргізушілердің еңбекақысы төмендейді. Олардың көпшілігі көп балалы ата-ана. Тапсырыс берушілермен шарттардың орындалу мерзімі мен сапасы, сондай-ақ кәсіпкерлердің шығындарын айтпаса да түсінікті», – деп атап өтті Шымкент қаласы кәсіпкерлер палатасы директорының орынбасары Сабира Адамбекова.
Кәсіпкерлер осы жағдайға түрткі болған тағы бір себепті атады. Отандық мұнай өнімдерін жақын маңдағы мемлекеттерге заңсыз әкету бойынша ұйымдастырылған, жылдар бойы жолға қойылған схемалар бар. Кейбір кәсіпкер тіпті бағаны көрші елдермен теңестіру керек деген дәлелдермен келісіп, оларды нарықтық баға әдістеріне сәйкес келтірді. Дизель отыны қымбат болсын, бірақ әйтеуір болсын, дейді олар. Кәсіпкерлер сондай-ақ сараланған тарифтен бас тартуды ұсынды. Мұнда да сыбайлас жемқорлық схемаларын бары айтылды. Сондай-ақ, кәсіпкерлер көрші елдерге дизель жіберіп жатқан кеден бекеттерінде бақылауды күшейтуді сұрады.
Кездесуде Шымкент қаласы әкімінің орынбасары Мақсұт Исахов қалада дизель отыны бар әрі тапшылық жоқ екенін мәлімдеді.
«Қалада дизель отынын 9 мұнай базасы мен 196 жанармай құю станциясы сатады. 71 ірі жанармай құю станциясында ол талондар бойынша және шектеулі көлемде сатылады (жеңіл автомобильдер – 100 л, жүк көліктері – 300 л). Дизель отыны тек жоғары бағамен (литріне 310 теңгеден) жеткізілетін шағын жанармай құю бекеттерінде ғана жоқ. Ертең Шымкентке Атырау мұнай өндіру зауытынан 900 тонна келеді. Қаланың ай сайынғы дизель отынына деген қажеттілігі 10 мың тоннаны құрайды», – деп атап өтті Мақсұт Исахов.
Оның айтуынша, билік дизель отынына мұқтаж құрылыс компанияларымен жұмыс істеуге дайын. Ол әкімдік өтініште жинақталатын көтерілген мәселелер бойынша Энергетика министрлігіне шығатынын, егер қажеттілік туындаса, оларды Үкіметке жеткізуге дайын екенін айтты.
Пікір қалдыру:
Пікірлер: